2020 беше година на здравствена криза, но и економска рецесија. Македонија и официјално влезе во економска рецесија. Што тоа значи за животниот стандард на граѓаните?
Ќе поразговараме околу ова со Здравко Савески. Особено околу противречните податоци за животниот стандард што неодамна беа објавени. Од една страна, порасна невработеноста. Но, порасна и просечната плата. Втора противречност е што пораснаа и долговите на граѓаните кон банките. Но, пораснаа и депозитите, влоговите на граѓаните во банките. Каде е логиката во сето ова?
